इसाक नदाफ / शिवार न्यूज नेटवर्क :
गुरुदत्त साखर कारखान्याचे एक्झिक्युटीव्ह डायरेक्टर राहुल घाटगे यांच्या वाढदिवसानिमित्त टाकळीवाडी येथील बाळासाहेब माने सांस्कृतिक साभागृह व दत्तवाड येथील दे.भ.रत्नापाण्णा कुंभार सभागृहात उद्या शुक्रवारी रक्तदान शिबिराचे आयोजन करण्यात आले आहे.
राहुल घाटगे यांच्या वाढदिवसानिमित्त २०२१ मध्ये कारखाना परिसरातील विविध गावामध्ये रक्तदान शिबिराचे आयोजन करण्यात आले होते, या रक्तदान शिबिरात २०४० हून अधिक जणांनी रक्तदान करुन सामाजिक बांधिलकी जोपासली होती. याही वर्षी राहुल घाटगे यांनी सामाजिक बांधिलकी जपत आपल्या वाढदिवसानिमित्त महा रक्तदान शिबिराचे आयोजन केले आहे. गेल्या वर्षभरामध्ये शिरोळ तालुक्यात रक्ताची गरज असणाऱ्या अनेक रुग्णांना तसेच कोरोना काळात अनेक रुग्णांना राहुल घाटगे यांच्या माध्यमातून २५० हून अधिक जनाना मोफत रक्त पुरवठा देऊन जीवनदान देण्यात आले. त्यामुळे अनेक जणांना या रक्तदान शिबिराचा मोठा लाभ मिळाला आहे. या वर्षी वाढदिवसानिमित्त शिरोळ तालुक्यातील खिद्रापूर, राजापूर, राजापूरवाडी, नवे दानवाड, जुने दानवाड, अकिवाट बस्तवाड या ठिकाणी रक्तदान शिबिर संपन्न होऊन ११७५ जणांनी आता पर्यत रक्तदान केले आहे. यानंतर टाकळीवाडी येथील बाळासाहेब माने सांस्कृतिक साभागृह व दत्तवाड येथील दे.भ.रत्नापाण्णा कुंभार सभागृहात रक्तदान शिबिराचे आयोजन करण्यात आले आहे. यानंतर शनिवार दि. १२ रोजी सैनिक टाकळी, रविवार दि. १३ रोजी कारखाना साईट. चिंचवाड, सोमवार दि. १४ रोजी घोसरवाड, कारखाना साईट या ठिकाणी रक्तदान शिबिराचे आयोजन करण्यात आले असून या रक्तदान शिबिरात युवक वर्गासह नागरीकांनी व महिलांनी मोठा सहभाग घेवून या सामाजिक कार्याला हातभार लावण्याचे आवाहन आयोजकांनी केले आहे.