हेरवाड / शिवार न्यूज नेटवर्क :
गुरुदत्त साखर कारखान्याचे एक्झिक्युटीव्ह डायरेक्टर राहुल घाटगे यांच्या वाढदिवसानिमित्त हेरवाड येथील ग्रामपंचायत कार्यालयात उद्या गुरुवारी रक्तदान शिबिराचे आयोजन करण्यात आले आहे. याचवेळी मजरेवाडी येथेही रक्तदान शिबिराचे आयोजन करण्यात आले आहे.
राहुल घाटगे यांच्या वाढदिवसानिमित्त २०२१ मध्ये कारखाना परिसरातील विविध गावामध्ये रक्तदान शिबिराचे आयोजन करण्यात आले होते, या रक्तदान शिबिरात २०४० हून अधिक जणांनी रक्तदान करुन सामाजिक बांधिलकी जोपासली होती. याही वर्षी राहुल घाटगे यांनी सामाजिक बांधिलकी जपत आपल्या वाढदिवसानिमित्त महा रक्तदान शिबिराचे आयोजन केले आहे. गेल्या वर्षभरामध्ये शिरोळ तालुक्यात रक्ताची गरज असणाऱ्या अनेक रुग्णांना तसेच कोरोना काळात अनेक रुग्णांना राहुल घाटगे यांच्या माध्यमातून २५० हून अधिक जनाना मोफत रक्त पुरवठा देऊन जीवनदान देण्यात आले. त्यामुळे अनेक जणांना या रक्तदान शिबिराचा मोठा लाभ मिळाला आहे. या वर्षी वाढदिवसानिमित्त शिरोळ तालुक्यातील खिद्रापूर, राजापूर, राजापूरवाडी, नवे दानवाड, जुने दानवाड, अकिवाट बस्तवाड या ठिकाणी रक्तदान शिबिर संपन्न होऊन ७०० जणांनी आता पर्यत रक्तदान केले आहे. यानंतर गुरुवार दि. १० रोजी हेरवाड येथील ग्रामपंचायत कार्यालयात व मजरेवाडी येथे रक्तदान शिबिराचे आयोजन करण्यात आले आहे. यानंतर ११ रोजी टाकळीवाडी, दत्तवाड, शनिवार दि. १२ रोजी सैनिक टाकळी, रविवार दि. १३ रोजी कारखाना साईट. चिंचवाड, सोमवार दि. १४ रोजी घोसरवाड, कारखाना साईट या ठिकाणी रक्तदान शिबिराचे आयोजन करण्यात आले असून या रक्तदान शिबिरात युवक वर्गासह नागरीकांनी व महिलांचा मोन सहभाग घेवून सामाजिक कार्याला हातभार लावण्याचे आवाहन आयोजकांनी केले आहे.